BDG

5 BOOM գովազդային արշավներ

Սոցիալական մեդիայի արշավն ամրապնդում և օգնում է մարքեթինգային պլանի իրականացմանը: Դա համակարգված գործողությունների մի շարք է՝ ուղղված ընդհանուր ռազմավարության նպատակներին:

Սոցիալական մեդիա արշավը ներկայացնում է կոնկրետ արդյունքներ, որոնք կարող են հետևվել և չափվել որոշակի ժամանակահատվածում (օրինակ՝ մեկ ամիս): Այն պետք է լինի ավելի կենտրոնացված և նպատակաուղղված, քան սովորական բիզնես մեդիա կոնտենտը:

Եթե ոգեշնչման կարիք ունես, ապա մենք առանձնացրել ենք վերջերս կատարված լավագույն սոցիալական մեդիա արշավների ընտրանին: 

Վստահ ենք՝ չես ձանձրանա:

  1. Airbnb – Made Possible by Hosts
    Հարթակներ՝ Instagram, Facebook
    Վերջերս Airbnb-ն հայտարարեց, որ կրճատելու է իր ընդհանուր մարքեթինգային ներդրումները:
    Այսպիսով՝ Airbnb-ն մեկնարկեց իր առաջին լայնածավալ բրենդային մարքեթինգային արշավը վերջին 5 տարվա ընթացքում՝ «Made Possible by Hosts» (Իրականություն է դարձել հյուրընկալների շնորհիվ) վերնագրով: Ընկերությունը ստեղծել է մի շարք տեսահոլովակներ՝ օգտագործելով ողջ աշխարհում Airbnb-ի տներում գտնվող հյուրերի իրական լուսանկարները:
    Արշավը երկակի նպատակ ուներ՝ հյուրերին տեղեկացնել հյուրընկալվելու առավելությունների մասին և ոգեշնչել ավելի շատ մարդկանց դառնալ Airbnb ընկերության մի մասը: Այն ի սկզբանե գործարկվել է հեռուստատեսային և թվային ալիքներով բիզնեսի 5 խոշորագույն շուկաներում՝ Մեծ Բրիտանիայում, ԱՄՆ-ում, Ֆրանսիայում, Կանադայում և Ավստրալիայում, նախքան ընդլայնվելը դեպի Իտալիա և Իսպանիա:
    2021 թվականի երրորդ եռամսյակում, տարեկան կտրվածքով վաճառքների և մարքեթինգային ծախսերի 136% աճից հետո, Airbnb-ն գրանցել է ընդհանուր թրաֆիկի 15% աճ այն երկրներում, որտեղ արշավն իրականացվել է մինչև համաճարակի տարածումը:

    Ինչո՞ւ սա աշխատեց.
    Airbnb-ն բիզնեսի կատարյալ օրինակ է, որը հասկանում է, թե ինչպես պետք է կատարողականություն/ապրանքանիշի բաժանումը փնտրի իր սեփական ապրանքանիշը, ինչի օրինակն է այս արշավում: Ապրանքանիշի իրազեկվածությունն այնքան բարձր է, որ այն կարիք չունի օգտագործել հատուկ մարքեթինգային պլան՝ թրաֆիկը խթանելու համար: Փոխարենը, այն պետք է հիշեցնի ճանապարհորդներին, թե ինչ է առաջարկում Airbnb-ն ապրանքանիշի տեսանկյունից:

  2. Getty՝ թանգարանային challenge – ԱՆՎՃԱՐ կոնտենտ պլան օգտատերերից
    Հարթակներ՝ Twitter, Instagram, Facebook
    Ինչ արեց Getty թանգարանը. lockdown-ի ամենաանտանելի օրերին Լոս Անջելեսի Getty թանգարանը կոչ արեց հանրությանը վերարտադրել արվեստի գործերը տնային պայմաններում և կիսվել: Հանրությունը խմբակային արձագանք տվեց և ամեն ինչ բավականին զվարճալի և տպավորիչ էր:
    Երբ նկարները հայտնվեցին Instagram-ում, Getty-ն դրանք կողք կողքի դրեց բնօրինակ արվեստի գործի հետ: Գրառումները ցույց էին տալիս Getty-ի ջերմությունն ու հումորի զգացումը, ինչպես նաև՝ նրա հավաքածուի տպավորիչ բազմազանությունն ու շրջանակները: Ստացվում է՝ օգտատերերի կողմից ստեղծված կոնտենտը պահում էր կոնտենտ պլանը:
    Այժմ, երբ lockdown-ի խիստ ռեժիմն անցյալում է, որոշ մարդկանց մոտ իրական հետաքրքրություն է առաջացել թանգարանի հանդեպ և ավելի շատ թվով մարդիկ են այցելում այն: 

    Ինչո՞ւ սա աշխատեց.
    Մասնակցելու պայմանը շատ պարզ էր. ընտրիր սիրելի ստեղծագործությունը, գտիր 3 իրեր, վերստեղծիր արվեստի գործերն այդ իրերով և կիսվիր մեզ հետ։ Մրցանակ, ժամանակային սահմանափակում, պարամետրեր չկային. սա պարզապես խաղային մարտահրավեր էր արվեստի երկրպագուների համար, որոնք, ի վերջո, տարածեցին մեծ ուրախություն և միավորում «մութ» ժամանակներում:

  3. Save The Music հիմնադրամի #musicsaves հեշթեգը
    Հարթակ՝ TikTok
    Save the Music հիմնադրամ-ը ամերիկյան կազմակերպություն է, որը երաժշտական կրթություն է տրամադրում հանրային դպրոցի կարիքավոր երեխաներին: Նրա #musicssaves արշավը նպատակ ուներ  հոգեկան առողջության հանդեպ երաժշտության կարևորության և ազդեցության մասին բարձրաձայնել, ինչպես նաև ուշադրություն հրավիրել հենց հիմնադրամի վրա:
    Համագործակցելով TikTok-ի հետ՝ Save the Music-ը ստացել է #musicsaves հեշթեգն առանձնահատուկ հեշթեգների ցանկում, որով էլ մարդիկ կիսվեցին իրենց երաժշտական պատմություններով: TikTok-ի նման հավելվածում, որտեղ երաժշտությունը ամենակարևոր էլեմենտն է, Save The Music հիմնադրամն առաջատար դիրքեր գրավեց: Արշավը հավաքել է 229 միլիոն դիտում։

    Ինչո՞ւ սա աշխատեց.
    Այստեղ միավորվում են երկու ճշմարտություններ. մարդիկ սիրում են խոսել իրենց մասին, և անձնական պատմություններն ընդհանրապես դրամահավաքի հզոր ուժ են: TikTok-ում մարդիկ կիսվում էին, թե ինչպես է երաժշտությունն ազդել իրենց վրա, իսկ «Save the Music»-ը հնարավորություն էր տալիս տարածել իր հաղորդագրությունը:

  4. Oreo-ի #oreoscope-ը
    Հարթակ՝ Twitter
    Աստղագուշակների և աստղային նշանների ներկայիս մոլուցքը հաշվի առնելով՝ թխվածքաբլիթների բրենդն առաջարկել է վերլուծել երկրպագուների ամենավերջին թվիթերը և կիսվել անհատականացված «Օրեոսկոպով»՝ նրանց անհատականության մասին պատկերացումներով, և թե ինչպես է այն կապված բրենդի պրոդուկտներից մեկի հետ:
    Մարդիկ սիրում են անհատականացված կոնտենտ: Եվ թեև ակնհայտորեն կան մի շարք «Օրեոսկոպներ», պրոդուկտի կողմից քո անձնական տեղեկատվությունը առանձնահատուկ է թվում և ոգեշնչում է, որպեսզի կիսվես արդյունքներով:

    Ինչո՞ւ սա աշխատեց.
    Անհատականացված արդյունքների գեղեցկությունն (լինի դա տվյալների ինչ-որ տեսակի վերլուծությունից, թե վիկտորինայի արդյունքներից) այն է, էջի հետևորդները մշտապես պատրաստ են խոսել իրենց և պրոդուկտի մասին: . 
    Այս ամենն իրականացնելու համար անհրաժեշտ չէ մեծ AI ծրագիր ունենալ կամ ինչ-որ գերհամակարգիչ: Ամենն ավելի հեշտ և զվարճալի է:

  5. Weetabix-ի և Heinz-ի համագործակցությունը
    Հարթակ՝ Twitter
    Ի՞նչ են արել. Թեփավոր բլիթների վրա լոբիների լուսանկար է տեղադրվել՝ ենթադրելով, որ այս անսովոր համադրությունը լավ գաղափար է: Բրենդների այս նկարները մեծ զրույցի և արձագանքների տեղիք տվեցին՝ հավաքելով ավելի քան 36 հազար թվիթ, 68 հազար tag և 131 հազար հավանում:

    Ինչո՞ւ սա աշխատեց.
    Զվարճալին այն է, թե որքան նորմալ է ընկալվում նկարը, ինչպես նախաճաշի ցանկացած այլ լուսանկար՝ այն ուղեկցվում է անկեղծ թվացող տեքստով: «Ինչու՞ հացը պետք է զվարճանա, երբ կա Weetabix»: Թվիթն անմեղ հարցնում է, և որոշ մարդիկ ենթադրեցին, որ սա իսկական զուգավորման առաջարկ էր և չկարողացան դիմադրել զայրույթով արձագանքելուն: Իսկ իրականում, սա ուղղակի կատակ էր:
    TikTok-ի օգտատերերը նույնիսկ սկսեցին տեսանյութեր պատրաստել, որտեղ նրանք իսկապես փորձում էին զուգավորման առաջարկը: