Էդիտա Նազարյան

Ունենալով մեծ փորձ միջազգային կազմակերպություններում՝ Էդիտա Նազարյանը զբաղեցրել է տարբեր պաշտոններ՝ հասնելով մինչև նախագծերի և բաժնի կառավարում: Ներկայումս նա աշխատում է որպես գլխավոր բիզնես վերլուծաբան EPAM Systems ընկերությունում՝ ընկերությունում ղեկավարելով բարդ նախագծեր՝ որպես բիզնես վերլուծաբան, առաջարկելով նորարարական լուծումներ և սկիզբ դնելով նոր ու արժեքավոր պայմանագրերի: Թիմեր ղեկավարելու և զարգացնելու նրա կարողությունը բացառիկ է և խոսում է բարձր պրոֆեսիոնալիզմի և, իհարկե, աշխատանքի նվիրվածության մասին։ Նա ունեցել է մենթորներ, ովքեր եղել են բիզնեսի զարգացման և նախագծերի կառավարման ոլորտի փորձառու առաջնորդներ, և որոնց խորհուրդների շնորհիվ Էդիտան զարգացրել է իր ռազմավարական պատկերացումները և վերլուծական հմտությունները, որոնք էլ այժմ փոխանցում է իր ուսանողներին: Նրա ուսուցման մոտեցումը և մեթոդները շատ ինտերակտիվ և գործնական են՝ կենտրոնանալով իրական պրոյեկտներում գիտելիքների կիրառման վրա։ Էդիտայի մոտիվացիայի աղբյուրը կրթության միջոցով ուսանողներին զարգացնելն է: «Empower through education»՝ պատահական չէ, որ նա առաջնորդվում է հենց այս կարգախոսով։