Ինչպե՞ս կառուցել առաջին իրական նախագիծը որպես սկսնակ ծրագրավորող

Շատ բան կարելի է ասել այն մասին, թե ինչպես են ծրագրավորողները կառուցում այն նախագծերը, որոնք մենք բոլորս հիացմունքով դիտում ենք։ Այն մատնանշում է աշխատանքի այն հատվածները, որոնք ոչ այնքան շքեղ են և որոնց սկսնակները միշտ չէ, որ ուշադրություն են դարձնում, գուցե փորձի պակասի պատճառով։

Թվում է, թե պարզ է, բայց իրականում նոր նախագիծ կառուցելու եղանակը չես իմանա, մինչև չսկսես այն։ Սկսելուց առաջ ծրագրավորողների մոտ հաճախ վստահություն է լինում, որ ճիշտ գիտեն՝ ինչ պետք է անեն, ինչն ինչին պետք է միացնեն։ Եվ շատ կարևոր է իմանալ՝ գտնել ուզածը հենց այն աղբյուրից, որն անհրաժեշտ է։

Եվ ահա կիսվում ենք ձեզ մի պատմությամբ, թե ինչպես մի ծրագրավորող ստեղծեց իր կայքը, որպեսզի մյուսներն էլ կարողանան ավելի լավ կառուցել իրենց սեփական նախագծերը։

Դժվար է գտնել ամբողջական ուղեցույց կոնկրետ պրոյեկտի համար։ Սակայն կան բաղադրիչներ՝ կոմպոնենտներ ու քայլեր, որոնք ընդհանուր են նախագծի մասերի համար։ 

Իսկ ի՞նչ քայլեր պետք է ձեռնարկել և գործողությունների ի՞նչ պլան ունենալ հաջողված նախագիծ ստանալու համար․ 

1. Սահմանիր խնդիրը
Սկսիր խնդրի հստակ ընկալումից։ Սահմանիր նախագծի նպատակը, թիրախային լսարանը և ակնկալվող արդյունքները։ Սա հիմք կդնի ողջ պլանավորման գործընթացի համար։

2. Նշիր հստակ նպատակներ
Որոշիր այն կոնկրետ արդյունքները, որոնց ուզում ես հասնել նախագծով։ Հստակ նպատակներն օգնում են կենտրոնացած մնալ և արդյունավետորեն չափել առաջընթացդ։

3. Սահմանիր պահանջները
Գրառիր նախագծի համար անհրաժեշտ ֆունկցիոնալությունն ու առանձնահատկությունները։ Դրանք բաժանիր փոքր առաջադրանքների, որպեսզի մշակման գործընթացը դառնա ավելի կառավարելի։

4. Պլանավորիր ժամանակացույցը
Ստեղծիր նախագիծը իրականացնելու ժամանակացույց՝ նշելով հիմնական փուլերն ու դրանց վերջնաժամկետները։ Սա կօգնի կազմակերպված աշխատել և կայուն առաջ շարժվել։

5. Կառուցիր ճարտարապետությունը (engineering)
Նախատեսիր նախագծի ճարտարապետությունը՝ ներառյալ տվյալների բազայի կառուցվածքը, օգտագործողի ինտերֆեյսը և տվյալների հոսքը։ Լավ մտածված ճարտարապետությունը բացում է ճանապարհը արդյունավետ մշակման համար։

6. Ընտրիր տեխնոլոգիական փաթեթը
Ընտրիր այն ծրագրավորման լեզուները, շրջանակներն (frameworks) և գործիքները, որոնք համապատասխան են նախագծիդ պահանջներին։ Ճիշտ տեխնոլոգիական ընտրությունն էական ազդեցություն կարող է ունենալ նախագծի հաջողության վրա։

7. Բաժանիր առաջադրանքները
Նախագիծը բաժանիր ավելի փոքր առաջադրանքների կամ օգտագործողի պատմությունների։ Յուրաքանչյուր առաջադրանք հանձնարարված պետք է լինի կոնկրետ մշակողի կամ թիմի անդամի՝ համագործակցությունն ու պատասխանատվությունն ապահովելու համար։

8. Բաշխիր ռեսուրսները
Սահմանիր, թե ինչ ռեսուրսներ են անհրաժեշտ՝ ներառյալ աշխատակազմը, սարքավորումները և ծրագրային ապահովումը։ Համոզված եղիր, որ ամեն բան պատրաստ է պլանը սահուն իրականացնելու համար։

Իսկ որո՞նք են պրոյեկտների ամենաճիշտ կառուցված տարբերակները սկսնակների համար, և որոնք են այն նախագծերը, որոնք ամենանպատակահարմար հավելվածն են սկսնակների համար․

1. «To-do list» հավելված – Այս կոդավորման նախագիծը նախատեսված է օգտագործողին հարմար ինտերֆեյս ստեղծելու համար, որը կօգնի կազմակերպել իրենց կարևոր գործերն ու համապատասխան ձևով պլանավորել դրանք։ Սա, իր հերթին, նպաստում է օրվա ընթացքում ավելի կազմակերպված և արդյունավետ լինելուն, ինչը հատկապես օգտակար է այն մարդկանց համար, ովքեր դեռ չեն տիրապետում ժամանակի կառավարման հմտություններին։ Նախագիծը ներառում է հիմնական CRUD գործողությունները՝ ստեղծում (Create), վերականգնում կամ վերագործարկում (Reset), թարմացում (Update) և հեռացում (Delete)։ Դրա իրականացման համար անհրաժեշտ են HTML, CSS, JavaScript լեզուների հիմունքային գիտելիքներ, ինչպես նաև որոշ չափով ծանոթություն Bootstrap գործիքին։

Այս նախագիծը հնարավորություն է տալիս կիրառել վերոնշյալ լեզուների հիմնական տարրերը՝ իրական կյանքի խնդիրների լուծման նպատակով, միևնույն ժամանակ զարգացնելով ծրագրավորման հմտությունները։

2. Ձևաթղթեր – Այսօրվա աշխարհում պրոդուկտը ստեղծողի համար հետադարձ կապ ունենալը այնքան կարևոր է, որքան տվյալ ապրանք ստեղծելը։ Դա կարող է լինել հաճախորդների կարծիքը, նախընտրությունները կամ իրենց տեսանկյունը որևէ կոնկրետ թեմայի շուրջ։ Սա այն նախագծերից է, որոնք սկսնակների համար ամենանպատակահարմարներից են։ Այն օգնում է ստանալ տեղեկատվություն լայն լսարանի կողմից։
   Նախագիծը շատ պարզ կոդավորման օրինակ է, որը կօգնի հասկանալ՝ ինչ տեխնոլոգիական գործիքներ են օգտագործվում նման նախագծում։ Հարցաշար ստեղծելու համար անհրաժեշտ են HTML, CSS և որոշ տարրական գիտելիքներ Javascript-ից։
   Ցանկանու՞մ ես փորձել։ Ահա առաջարկը՝ ստեղծիր հարցաթերթիկ՝ օգտագործելով HTML և CSS։

3. Բառային հաշվիչ – Սա սկսնակների համար նախատեսված կոդավորման նախագիծ է, որը օգնում է սահմանափակել հոդվածներում օգտագործվող բառերի քանակը՝ դրանք դարձնելով ավելի գրավիչ և դիտարժան։

Բացի այդ, այն օգնում է գրելիս իրական ժամանակում հետևել բառերի քանակին, ինչի շնորհիվ արդեն կիմանանք՝ երբ է պետք ավարտել։ Բառերի հաշվիչը ավտոմատ կերպով թարմացվում է հենց գրելու պահին։
Նախագիծը կարելի է նաև զարգացնել՝ ավելացնելով տողերի, պարբերությունների կամ նիշերի հաշվարկման ֆունկցիա։
Նախնական պահանջներն են՝ HTML, CSS, ինչպես նաև JavaScript-ի ժամանակակից շրջանակներ, որպեսզի ինտերֆեյսն ավելի հարմար ու օգտատիրոջը հարմար լինի։
Աջակցության համար կարող եք օգտվել ստորև ներկայացված GFG հոդվածի հղումից։ Կարող եք նաև ինքնուրույն փորձել ստեղծել նախագիծ՝ թեմայով՝ Ինչպե՞ս ստեղծել բառերի հաշվիչ՝ օգտագործելով JavaScript textarea-ում։

4. Սուդոկու խաղ – Սուդոկուն խաղ է, որտեղ տրվում է 9 x 9 չափսի մատրիցա, որը բաժանված է ինը 3 x 3 մատրիցաների։ Պայմանը հետևյալն է՝ յուրաքանչյուր 3 x 3 մատրիցայի մեջ պետք է լինեն 1-ից 9 ամբողջ թվերը՝ առանց կրկնության։ Նույն կերպ՝ յուրաքանչյուր տողում և սյունակում նույնպես պետք է լինեն 1-ից 9 բոլոր թվերը՝ մեկական անգամ։
   Սա նշանակում է, որ պետք է այնպես դասավորել 1-ից 9 թվերը, որպեսզի այդ թվերից յուրաքանչյուրը ներկայացված լինի յուրաքանչյուր 3×3 վանդակում, յուրաքանչյուր տողում և յուրաքանչյուր սյունակում, առանց կրկնվող տարրերի։
   Սուդոկու լուծելու համար օգտագործվում են backtracking (հետհետադարձ) ալգորիթմներ։ Այս խնդիրն ավտոմատ լուծելով՝ կարելի է ստեղծել հետաքրքիր և գործնական նախագիծ։
   Դու կարող ես ստեղծել մի պարզ ինտերակտիվ UI (օգտագործողի ինտերֆեյս), որը լուծում է սուդոկուի խնդիրը՝ ապահովելով, որ տողերում և սյունակներում չկան կրկնվող թվեր։ Ծրագիրը կտա հնարավոր լուծումներից մեկը՝ բավարարելով բոլոր պայմանները։
   Նախնական պահանջներն են՝ HTML, CSS, JavaScript, ինչպես նաև DSA-ի (Տվյալների կառուցվածքներ և ալգորիթմներ) backtracking ալգորիթմների որոշակի իմացություն։ Սա հիանալի հնարավորություն է՝ կիրառելու նշված ալգորիթմները գործնականում։
   Դու կարող ես նաև ստեղծել լիարժեք սուդոկու խաղ՝ հետևելով այս քայլերին՝ Sudoku | Backtracking-7։

5. Եղանակի կանխատեսում – Այս հավելվածը նախատեսված է կանխատեսելու տվյալ օրվա եղանակը, ինչպես նաև օգնում է օգտատիրոջը ստանալ ընդհանուր պատկեր առաջիկա մի քանի օրերի եղանակային պայմանների վերաբերյալ և համապատասխանաբար պլանավորել իր կարևոր գործերը։
   Դու կարող ես օգտագործել ցանկացած եղանակային API, որպեսզի ստանաս տվյալներ ցանկացած քաղաքի եղանակի մասին։ Բացի այդ, հնարավոր է նաև ստանալ լրացուցիչ բնապահպանական տվյալներ, օրինակ՝ խոնավություն (Humidity), օդի որակի ինդեքս (AQI), ջերմաստիճան և այլն։
   Այս նախագծի համար նախնական պահանջվող տեխնոլոգիաներն են՝ Django և Python։
   Լավագույն եղանակային API-ներից մեկը Open Weather API-ն է։
   Փորձիր ստեղծել քո սեփական եղանակի հավելվածը՝ օգտագործելով Django | Python։

Ինչպես տեսնում ենք, հաջողված նախագծի հիմքում ոչ միայն գաղափարն է, այլև մտածված պլանավորումն ու քայլ առ քայլ իրականացումը։ Սկսնակ ծրագրավորողների համար չափազանց կարևոր է ոչ միայն կոդ գրելու հմտությունը, այլև պրոյեկտին համակարգված մոտեցում ցուցաբերելը՝ սկսած խնդրի հստակ սահմանումից մինչև տեխնոլոգիաների ընտրություն ու ռեսուրսների բաշխում։

Վերոնշյալ նախագծերը՝ To-do list, հարցաթերթիկ, բառային հաշվիչ, սուդոկու խաղ և եղանակի կանխատեսման հավելված, հիանալի մեկնարկային կետեր են։ Դրանք միաժամանակ հնարավորություն են տալիս խորացնել ծրագրավորման հիմնական լեզուների (HTML, CSS, JavaScript, Python) և գործիքների կիրառումը, ծանոթանալ տարբեր ալգորիթմների (օրինակ՝ backtracking) և API-ների հետ, ինչպես նաև մշակել օգտատերամետ ինտերֆեյսներ։
Այսպիսի նախագծերը ոչ միայն զարգացնում են տեխնիկական հմտությունները, այլև վստահություն են ներշնչում սեփական ստեղծարար հնարավորությունների նկատմամբ։

Ուստի, եթե դու նոր ես սկսում ծրագրավորման ճանապարհդ, սկսիր փոքր, բայց իմաստավոր նախագծերից։ Դրանք կլինեն քո առաջին քայլերը դեպի ինքնուրույն մտածողությամբ ծրագրավորող դառնալու ուղղությամբ։ Այժմ ժամանակն է գործի անցնելու։ Շինիր, փորձարկիր, սովորիր։ Քո հաջողված նախագիծը սկսվում է հենց այսօր։

Բաժանորդագրվեք՝ մշտապես տեղեկացված լինելու համար

Բաժանորդագրվիր