Անի Քոչարյան

Անի Քոչարյանը ավելի քան 10 տարվա փորձ ունի անշարժ գույքի ոլորտում և հանդիսանում է RED Invest Group-ի առանցքային ղեկավարներից մեկը։ Իր մասնագիտական ճանապարհը սկսել է հաճախորդների սպասարկման ոլորտից՝ հետագայում զբաղեցնելով վաճառքի բաժնի ղեկավարի և փոխտնօրենի պաշտոնները։

Նրա գործունեությունը ներառում է վաճառքի ռազմավարությունների մշակումը, թիմերի ձևավորումն ու կառավարումը, վաճառքային գործընթացների ստանդարտացումը և CRM համակարգերի ներդրումն ու արդյունավետ կիրառումը։

Անի Քոչարյանը Հայաստանի անշարժ գույքի գործակալությունների ասոցիացիայի հիմնադիր խորհրդի անդամ է և մասնակցում է ռիելթորական գործունեության մասին օրենքի մշակման և վերլուծական աշխատանքներին։ Նա նաև Հայաստանում MLS համակարգի ներդրման նախաձեռնության հիմնադիր մասնակիցներից է։

Անի Քոչարյանը home staging-ի սերտիֆիկացված մասնագետ է, ինչպես նաև «Փողերի լվացման և ահաբեկչության ֆինանսավորման կանխարգելում» ուղղությամբ որակավորված վերապատրաստող։

Որպես դասավանդող՝ նա կենտրոնանում է կիրառելի գիտելիքի փոխանցման վրա՝ ներկայացնելով գործնական մեթոդներ և իրական փորձ, որոնք օգնում են մասնագետներին արդյունավետ աշխատել անշարժ գույքի շուկայում։