Սոնա Փարսյան

Սոնա Փարսյանը նախագծերի կառավարման ոլորտում է ավելի քան 10 տարի՝ վստահ լինելով, որ այս մասնագիտության մեջ առանցքային է մարդակենտրոն մոտեցումը և ճիշտ ձևավորված մտածելակերպը։
Տարիների ընթացքում Սոնան ղեկավարել է նախագծեր բարձր տեխնոլոգիաների, շինարարության, խորհրդատվության և NGO ոլորտում՝ հաստատելով մեկ պարզ ճշմարտություն․ ոլորտները տարբեր են, բայց նախագծերի ղեկավարի արժեքը նույնն է՝ հստակություն, միասնություն, ճիշտ հաղորդակցություն և արդյունքի ապահովում։
Սոնայի մասնագիտական ուղու զարգացման մեջ շրջադարձային է եղել BDG-ում ունեցած դասընթացը, որն օգնել է համակարգել փորձը, ուժեղացնել հմտությունները և ընտրել մասնագիտական ուղղությունը՝ որպես նախագծի ղեկավար։
Որպես դասավանդող՝ Սոնան առանձնահատուկ կարևորում է ամբողջական մոտեցումը, որը ուսանողին տալիս է ոչ միայն գիտելիք, փորձ, գործիքեր, այլ նաև ձևավորում է մասնագիտական մտածողություն և փափուկ հմտություններ: Ինչպես Սոնան է նշում, այս դասընթացը նվիրված է ձևավորելու նախագծերի ղեկավարի մտածելակերպ նրա համար, ով պատրաստ կլինի կիրառել գիտելիքը ամենատարբեր ոլորտներում: