Վազգեն Հարությունյան

«Ընտրեցի UI/UX դիզայնը, քանի որ խորապես հիանում եմ դիզայնով և նրա դերով հանրության կյանքում»,- ասում է Վազգենը։
Կարիերայի ճանապարհ ընտրելիս Վազգենը նկատել է, որ պրոդուկտ դիզայնը մեծ պահանջարկ ունի և հետաքրքիր թվաց այն առավել խորությամբ ուսումնասիրելը։
Ժամանակի ընթացքում նա հասկացել է, որ այն ավելին է, քան դիզայնը․ հոգեբանություն, մարդկային վարքագծի ուսումնասիրություն, որն առնչվում է բազմաթիվ ոլորտների հետ։ Հենց այս բազմակողմանիությունն է, որ գրավել է Վազգենին։
Դասընթացը, ըստ Վազգենի, հնարավորություն է անհատների համար լիարժեք հասկանալու իրենց դերը դիզայնի միջավայրում։ Այն տալիս է ամբողջական ռեսուրսներ և պարզաբանումներ, որոնք UX/UI դիզայնով հետաքրքրվողներին հնարավորություն են տալիս սկսել իրենց կարիերան դիզայնի ոլորտում և վիզուալ կերպով հաղորդել իրենց գաղափարները։