Tech տաղանդներ ներգրավելու ռազմավարություններ
Այսօր հարյուրավոր ոլորտներում tech մասնագետների պահանջարկ կա, ինչի արդյունքում մրցակցությունն ավելի սուր է դարձել, քան երբևէ: Վերջին տարիներին ծրագրավորման ոլորտի մասնագետների 40%-ից ավելին աշխատանքի ընդունվել են ոչ տեխնոլոգիական ընկերությունների կողմից: Հիմա եկել ենք նրան, որ միայն ՏՏ ընկերությունները չեն, որ մրցակցում են թեկնածուների համար. մյուս ոլորտները նույնպես մտել են պայքարի մեջ և ավելի շատ tech տաղանդներ են ներգրավում:
Անհրաժեշտ հմտություններով ու փորձով աշխատակիցներ գտնելը իրական մարտահրավեր է հիմա: Մասշտաբային ՏՏ ընկերությունները արագ տեմպերով ներգրավում են լավագույն տաղանդներին՝ թողնելով փոքր բիզնեսներին, ստարտափներին ավելի քիչ որակավորում ու փորձ ունեցող թեկնածուների ընտրության առջև։ Հենց այս խնդրի հետ կապված էլ տեխնիկական հավաքագրման մասնագետների և ընկերությունների համար առանձնացրել ենք մի քանի ռազմավարություն, որոնք կօգնեն ներգրավվել լավագույն tech տաղանդներին։
Ձեր ընկերությունը՝ tech տաղանդների մագնիս
Ցանկացած ընկերության համար առաջնային խնդիր պետք է լինի մրցունակ աշխատավայր լինելը։ Լավ գործատուն պետք է մագնիսի պես ձգի լավագույն տաղանդերին։ Դա հավասարապես HR մասնագետնրի, technical recruiter-ների և ընկերության ղեկավարների պատասխանատվությունն է։
Ահա մի քանի կետ, որոնք կօգնեն ընկերությունը դարձնել մրցունակ և «երազանքի» գործատու։
1. Կառուցեք և ճիշտ ներկայացրեք ընկերության բրենդը
Աշխատակիցների հավաքագրման գործընթացը չպետք է սկսվի միայն աշխատանքի նկարագրությունը ներկայացնելուց հետո․ այն պետք է լինի շարունակական և նպատակային գործընթաց։ Ծախսեք ժամանակ, գումար և ջանք ՝ ձեր ընկերությունը որպես «լավ» գործատու ներկայացնելու և համապատասպան իմիջ ձևավորելու համար։ Եթե ցանկանում եք ներգրավել tech տաղանդներ, ամենաարդյունավետ ռազմավարություններից մեկը հենց գործատուի բրենդում ներդրում կատարելն է։ Հարկավոր է ոչ թե ճոխ լոգո կամ գրավիչ նշանաբան ունենալ, այլ հստակ սահմանել, թե ինչն է ձեր ընկերությունը դարձնում յուրահատուկ։ Բոլորն էլ ցանկանում են աշխատել ընկերությունում, որը ունի անուն, հեղինակություն, կշիռ և հստակ սահմանված արժեքներ։ Եվ այն, թե ինչպես է ներկայանում բրենդը շուկայում, խոսում է հեռանկարային կարիերա առաջարկելու հավանականության մասին։
Ոչինչ այնքան բարձր չի խոսում, որքան հեղինակությունը։
2. Ձևավորեք թափանցիկ ու հաշվետու senior management
Առաջադեմ ընկերություններում ղեկավարները բաց են և պատրաստ են անմիջապես շփվել աշխատակիցների հետ: Նրանք արագ են արձագանքում խնդիրներին և պատրաստ են որոշումներ կայացնել՝ հաշվի առնելով թիմի մոտեցումը: Օրինակ, Slack-ի արտադրողը ստեղծել է ներքին #exec-ama («հարցրեք ինձ ինչ որ ուզում եք») զրույցի ալիք: Աշխատակիցները կարող են ցանկացած հարց ուղղել գործադիր թիմին՝ ակնկալելով անմիջական և արագ արձագանք (հիմնականում այդպես էլ լինում է): Սա ոչ միայն նպաստում է խնդիրների արագ լուծմանը, այլև խթանում է թիմային համագործակցությունը: Արդյունքում, աշխատակիցները ավելի մոտիվացված են և ավելի մեծ պարտավորությամբ են աշխատում՝ գիտակցելով, որ իրենց ներդրումը գնահատվում է և հաշվի է առնվում:
Աշխատանք փնտրող մասնագետները, բնականաբար, նախընտրում են այնպիսի գործատու, որտեղ նրանք զգում են իրենց կարևոր լինելը: Եթե աշխատակիցները նկատում են, որ ղեկավարությունը թույլ է, անտարբեր և անպատասխանատու, նրանք մեծ հավանականությամբ կհեռանան՝ նախապատվությունը տալով մրցակից ընկերությանը:
3. Ձևավորեք քոուչինգի և մասնագիտական զարգացման մշակույթ
Միլենյալ և Gen Z սերնդի աշխատակիցները հակված են գնահատել այս տեսակի ներդրումը, բայց դա նաև կարևոր է «աճող» աշխատակիցների համար, ովքեր ունեն հմտություններ, բայց նաև ունեն փորձի պակաս: Օրինակ, HubSpot-ը տեղափոխվել է ամենամյա կատարողականության գնահատումից դեպի սոցիալական կատարողականության կառավարում: Դա թույլ է տալիս աշխատակիցներին ստանալ feedback կազմակերպության գրեթե յուրաքանչյուր անդամից, ինչն էլ իր հերթին հանգեցնում է բացերի լրացմանն ու կարևոր հմտությունների զարգացմանը։
Այս մոտեցումը ստեղծում է բաց և թափանցիկ միջավայր, որտեղ աշխատակիցները կարող են անկեղծորեն արտահայտել իրենց կարծիքները և առաջարկությունները, ինչը նպաստում է աշխատանքային գործընթացների բարելավմանը: Ավելին, սա նաև նպաստում է անձնական և մասնագիտական զարգացմանը, քանի որ աշխատակիցները ստանում են տարբեր խորհուրդներ, որոնք կարող են օգնել նրանց զարգացնել իրենց հմտությունները և հաղթահարել դժվարությունները:
Բացի դա, ձևավորվում է կարծիքը հարգելու և հաշվի առնելու մշակույթ, որը անխոս դրական է ազդում թե՛ անձնային, թե՛ մասնագիտական զարգացումների վրա։ Աշխատակիցները սկսում են զգալ իրենց կարևորությունը և արժեքավոր լինելը, ինչը մեծացնում է նրանց մոտիվացիան և նվիրվածությունը աշխատանքին։ Այսպիսի միջավայրը խթանում է համագործակցությունը և թիմային աշխատանքը, ինչը կարող է նպաստել նորարարական լուծումների և գաղափարների առաջացմանը։
Սոցիալական կատարողականության կառավարումը նաև նպաստում է աշխատակիցների միջև վստահության և համերաշխության մթնոլորտի ձևավորմանը։ Երբ աշխատակիցները տեսնում են, որ իրենց կարծիքը և ներդրումը գնահատվում են, նրանք ավելի պատրաստակամ են դառնում աշխատել թիմային մոտեցմամբ և աջակցել միմյանց: Սա ստեղծում է դրական և համագործակցային աշխատանքային միջավայր, որտեղ յուրաքանչյուր աշխատակից կարող է զգալ, որ նրա ձայնը լսվում է և նրա աշխատանքը գնահատվում է:
Ընդհանուր առմամբ, սոցիալական կատարողականության կառավարումը և feedback-ի մշակույթը կարող են լինել հզոր գործիքներ, որոնք կօգնեն ընկերություններին զարգացնել իրենց աշխատակիցների հմտությունները, բարելավել աշխատանքի արդյունավետությունը և ստեղծել դրական աշխատանքային միջավայր: Այս մոտեցումը կարող է նաև նպաստել ընկերության ընդհանուր հաջողությանը և աճին՝ ստեղծելով հզոր և համախմբված թիմ:
4. Առաջարկեք գրավիչ հնարավորություններ
ՏՏ ոլորտը զարգանում է լույսի արագությամբ և ստատիկ աշխատանքային դերեր առաջարկելը նույնն է, ինչ տեղում կանգնելը, երբ մյուսները առաջ են շարժվում: Ամբիցիոզ tech տաղանդները միշտ փնտրում են գործատուներ, որոնք ոչ միայն բարձր վարձատրվող աշխատանք են խոստանում, այլև աճի հնարավորություն են տալիս: Կարևոր է ներկայացնել հստակ կարիերայի զարգացման ուղիներ և շարունակական ուսուցման հնարավորություններ: Դա նշանակում է ցույց տալ պոտենցիալ թեկնածուներին, որ թիմին միանալը նշանակում է սկսել աճի, նորարարության և մարտահրավերների ուղի:
Տեխնոլոգիական ոլորտում հաջողության հասնելու համար կարևոր է առաջարկել այնպիսի աշխատանքային պայմաններ, որոնք խրախուսում են աշխատակիցների անձնական և մասնագիտական աճը: Աշխատակիցները պետք է զգան, որ իրենց աշխատանքը արժեքավոր է և կարևոր է կազմակերպության համար: Դա կարելի է իրականացնել տարբեր ձևերով, ինչպիսիք են վերապատրաստման ծրագրերը, մենթորության հնարավորությունները և առաջխաղացման հստակ ուղիները:
5. Մշակեք մենթորության ծրագիր
Լավագույն տաղանդների ներգրավման համար, անհրաժեշտ է մտածել կազմակերպության դերերն ու կարիերայի ուղիները դինամիկ ձևով կառուցելու մասին: Տաղանդների զարգացման և առաջխաղացման հնարավորություն ստեղծելը կարող է դառնալ ձեր կազմակերպության մրցակցային առավելություններից մեկը: Օրինակ՝ մենթորության համար հարկավոր չէ բարդ և ծախսատար ծրագիր ունենալ: Նույնիսկ սահմանափակ անձնակազմով փոքր ընկերություններում մենթորությունը կարող է լինել ինչպես պարզ, այնպես էլ արդյունավետ՝ ստեղծելով ամուր կապ թիմի կրտսեր և ավագ անդամների միջև: Մենթորությունը կարող է իրականացվել տարբեր ձևերով՝ մեկ առ մեկ հանդիպումներ, խմբային սեանսներ կամ անգամ առցանց հարթակներ, որոնք թույլ են տալիս մասնագետներին փոխանակվել գիտելիքներով և փորձով:
Հաճախակի կազմակերպվող մեկ առ մեկ հանդիպումները նույնպես մեծ կարևորություն ունեն: Դրանք հնարավորություն են տալիս ոչ միայն քննարկել աշխատանքային խնդիրները, այլև կառուցել վստահության մթնոլորտ և խթանել բաց հաղորդակցությունը: Այս հանդիպումների ժամանակ աշխատակիցները կարող են բացահայտել իրենց մարտահրավերները, ստանալ առաջարկություններ և ուղղորդումներ իրենց կարիերայի զարգացման համար: Վստահության կառուցումը կարևոր է, քանի որ այն նպաստում է թիմի համախմբվածությանը և նպատակի հասնելու միասնականությանը:
Ավելին, մենթորությունը կարող է լինել որպես խթան մասնագիտական և անձնական աճի համար: Որոշ ընկերություններում մենթորները կարող են օգնել նոր աշխատակիցներին հարմարվել նոր միջավայրում, ըմբռնել կազմակերպության մշակույթն ու արժեքները, ինչպես նաև ստանալ անհրաժեշտ հմտություններ և գիտելիքներ: Կրտսեր աշխատակիցների համար մենթորությունը կարող է դառնալ հիանալի հնարավորություն՝ սովորելու ավագ գործընկերներից, մասնակցելու կարևոր նախագծերին և մեծացնելու իրենց մասնագիտական կապերը:
Մենթորության գործընթացը կարող է ընդգրկել նաև տարբեր ձևաչափեր, ինչպիսիք են՝ ուսումնական սեմինարները, վերապատրաստման դասընթացները, աշխատաժողովները և այլ միջոցառումները, որոնք կօգնեն աշխատակիցներին զարգացնել իրենց հմտությունները և բարձրացնել իրենց մասնագիտական մակարդակը: Այս ամենը նպաստում է ոչ միայն աշխատակիցների մասնագիտական զարգացմանը, այլև կազմակերպության ընդհանուր հաջողությանը:
Արդյունքում, մենթորության ճիշտ իրականացումը և հաճախակի 1 to 1 հանդիպումները կարող են դառնալ հիմնարար գործիքներ, որոնք կօգնեն սահմանել վստահություն, ձևավորել խնդիրների շուրջ աշխատելու մշակույթ և նպաստել կազմակերպության հաջողությանը:
Tech տաղանդների ներգրավումը պահանջում է հատուկ մոտեցում: Աշխատանքային շուկան շարունակաբար փոփոխվում է, և ձեր մոտեցումը պետք է համընկնի այս փոփոխություններին՝ կենտրոնանալով ոչ միայն աշխատանքի ընդունման գործընթացի, այլև երկարաժամկետ աճի և զարգացման հնարավորությունների ստեղծման վրա:
Որպեսզի կարողանաք ներգրավել և պահպանել լավագույն tech տաղանդներին, կարևոր է ներկայացնել ընկերության առանձնահատկությունները և այն արժեքները, որոնք տարբերակում են այն մյուսներից: Սա ներառում է ընկերության մշակույթը, արժեքները, նպատակը և այն հնարավորությունները, որոնք առաջարկում եք ձեր աշխատակիցներին: Դուք պետք է լինեք հստակ և հետևողական ձեր հաղորդակցության մեջ, որպեսզի պոտենցիալ աշխատակիցները հասկանան, թե ինչ կարող են ստանալ աշխատանքից:
Սահմանելով և ունենալով տաղանդների ներգրավման հստակ ռազմավարություն դուք կարող եք ստեղծել ուժեղ աշխատանքային թիմ, որը պատրաստ է դիմակայել ապագա մարտահրավերներին:
