Թվային մարքեթինգ: Ինչից սկսել

Թվային մարքեթինգի ոլորտն այսօր ամենապահանջվածներից մեկն է:

Բայց եթե ոլորտում փորձ չունեք, հավանաբար մտածում եք, թե ինչպես ճիշտ մուտք գործել ու չսխալվել:
Լավ վարձատրվող աշխատանք, հաջողակ ընկերություն կամ մեծ նախագիծ վերցնելու համար փորձ ունենալը չի խանգարի։

Սակայն մեր օրերում փորձ չունենալը դեռևս դատավճիռ չէ։

Պետք է ճիշտ գիտակցել ամեն բան, ընդունել ու հետևել մեր գայդին, որը կօգնի ոլորտի “դռներն առաջին անգամ բացող”-ներին իմանալ, թե ինչից է պետք սկսել, որպեսզի հաջողես։ Գնացինք

Կարո՞ղ եք դառնալ թվային մարքեթինգի մասնագետ առանց փորձի:

Այո, կարող եք, բայց ինչպես ցանկացած ոլորտում, մասնագետ դառնալու գործընթացն ավելի հեշտ կլինի, եթե դուք ունեք նախնական գիտելիքներ, որոնցից կարող եք օգտվել:

Բարեբախտաբար, այժմ հասանելի են բազմաթիվ ռեսուրսներ, որոնք օգնում են հասկանալ ոլորտն ու ծանոթանալ դրա բոլոր նրբություններին։ 

Մերօրյա ռեսուրսների բազմազանությունը հաճախ հանգեցնում է նաև բացասական հետևանքների հատկապես սկսնակների համար, ովքեր չգիտեն, թե ինչպես է պետք օգտվել աղբյուրներից։

Սկզբնական շրջանում փորձեք շատ ուսումնաիսրել ու կարդալ, հարցնել ոլորտում փորձ ունեցող մարդկանց, լսել հայտնի մասնագետներին ու կարդալ հաջողակմների մտքերը։

Ժամանակի ընթացքում ինքներդ կսկսեք հասկանալ, թե աղբյուրներից որն է ավելի լավը։
Սկսնակ մակարդակի մասնագետի աշխատանք գտնելու համար դուք նախ պետք է հասկանաք մի շարք կարևոր հասկացություններ, պայմաններ և գործընթացներ:

Ահա թե ինչպես դա անել.

Ընտրեք մասնագիտություն, որը Ձեզ հետաքրքրում է:
Այսօր հասանելի է են հազարավոր մասնագիտություններ, այդ թվում՝

• SEO
• PPC
• SMM
• Email Marketing
• Content Creation
• Content Writing
• Influencer Marketing
• Շարունակելի․․․․

Այս մասնագիտություններից յուրաքնաչյուրն էլ կարևոր է ընկերության ընդհանուր մարքեթինգային ռազմավարության համար, ուստի ընտրեք մասնագիտություն, որը Ձեզ հետաքրքիր և գրավիչ է թվում և հմտացեք դրանում։ 

Թվային մարքեթինգի մասնագետ դառնալու համար պետք է լավ պատկերացում կազմել գովազդի հայեցակարգերի և կառավարման վերաբերյալ:
Ուսումնական բլոգային գրառումները, YouTube-ի ձեռնարկները, Linkedin-ի գրառումները, մասնագիտական խմբերը և այլ անվճար ռեսուրսներ հիանալի միջոցներ են հիմնարար գիտելիքներ կառուցելու համար: 

Օրինակ՝ որպես սկսնակ SEO մասնագետ, կարող եք թարմացնել ձեր տվյալների վերլուծության հմտությունները՝ օգտագործելով Google Analytics-ը կամ վերլուծության մեկ այլ գործիք:

Կամ, եթե արդեն մասնագիտացած եք սոցիալական մեդիա մարքեթինգի մեջ, ավելի լավ ծանոթացեք սոցիալական մեդիայի չափման հարթակներին, ինչպիսիք են Hootsuite-ը կամ Sprout Social-ը: 

Անցեք դասընթաց և ստացեք վկայական

Ոլորտի ավելի համապարփակ ըմբռնման համար կարող եք մտածել դասընթաց անցնելու կամ մասնագիտական վկայական ստանալու մասին:

Սա հիանալի միջոց է թվային մարքեթինգի հասկացությունները սովորելու և գործնական փորձ ձեռք բերելու համար՝ օգտագործելով ոլորտի վերջին գործիքները:

Կառուցեք պորտֆոլիո

Երբ հասկանաք հիմունքները, ժամանակն է փորձարկելու հմտությունները: Դա անելու լավագույն միջոցը իրական մարքեթինգային նախագծերի պորտֆոլիո ստեղծելն է, որը դուք կարող եք ցուցադրել պոտենցիալ գործատուներին:

Խնդրեք Ձեր ընկերներին, ծանոթներին վստահել Ձեզ իրենց փոքրիկ բիզնեսը կամ ստարտափը, որի վրա Դուք կսկսեք աշխատել՝ զարգացնելով ու կիրառելով Ձեր հմտությունները միաժամանակ օգնելով նրանց ունենալ առաջխաղացում։ 

Դարձե՛ք հասանելի 

Ձեր առաջին աշխատանքը հաստատելու համար համոզվեք, որ դուք կապի մեջ եք այլ մասնագետների հետ:

Կան բազմաթիվ սոցիալական մեդիա հարթակներ, ինչպիսիք են LinkedIn-ը, Twitter-ը և Facebook-ը, որտեղ կարող եք կապ հաստատել մարքեթինգի փորձագետների հետ ու նրանց շնորհիվ գտնել աշխատանք։
Օգտակար է նաև մարքեթինգի կոնֆերանսներին և հանդիպումներին մասնակցելը: Սրանք հիանալի հնարավորություններ են ավելի փորձառու մասնագետների հետ հանդիպելու, կապեր հաստատելու համար։

Փնտրեք Գործակալություն

Ոլորտ ներխուժելու լավ միջոց է մարքեթինգային գործակալություններում աշխատանքի անցնելը։

մարքեթինգային գործակալությունում աշխատելը արժեքավոր մասնագիտական փորձ ձեռք բերելու հիանալի միջոց է և կօգնի ձեզ ստեղծել պորտֆոլիո հաճախորդների լայն շրջանակի հետ: 

Մտածեք հարակից աշխատանքներ՝ ոլորտին մոտենալու համար

Մասնագիտական փորձ ձեռք բերելու մեկ այլ միջոց է հարակից ոլորտներում ու հաստիքներում աշխատատեղեր դիտարկելը, որոնք կարող են օգնել Ձեզ զարգացնել տեխնիկական հմտություններն ու պորտֆոլիոն:

Կապակցված աշխատատեղերի որոշ օրինակներ ներառում են.

• Վաճառքի մասնագետ
• Թվային մարքեթինգի խորհրդատու
• UI/UX դիզայներ
• Տվյալների վերլուծաբան
• Սպասարկման մասնագետ հարակից ոլորտում և ոչ միայն

Այս դերերից յուրաքանչյուրը կտրամադրի արժեքավոր պատկերացումներ և փափուկ հմտություններ, որոնք կարող են հիմք հանդիսանալ մարքեթինգի կարիերա սկսելու համար:

Ստեղծեք մասնագիտական փորձ՝ ֆրիլանսի միջոցով

Ֆրիլանսի հարթակները, ինչպիսիք են Upwork-ը և Fiverr-ը, հեշտացնում են մարքեթինգային աշխատանքների համար նախագծերի որոնումը, որոնք կարող եք անել տնից:

Թեև խորհուրդ չի տրվում որպես երկարաժամկետ աշխատանք դիտարկել այս տարբերակը, երբ սկսնակ եք, կամ համարվում է բարդ միջոց, այնուամենայնիվ սա կարող է լինել պոտենցիալ հաճախորդների հետ կապ հաստատելու և պորտֆոլիոն կառուցելու հիանալի միջոց:

Անհատականացրեք ռեզյումեն և ուղեկցող նամակը յուրաքանչյուր աշխատանքի համար

Երբ փորձում եք մուտք գործել ոլորտ ու դիմում եք աշխատանքի՝ որպես սկսնակ մասնագետ, կարևոր է հարմարեցնել ձեր ռեզյումեն և ուղեկցող նամակը յուրաքանչյուր աշխատանքի համար, որի համար դիմում եք:

Ինչպիսի՞ն է լինելու սկսնակ մակարդակի մարքեթինգային աշխատանքը

Ահա մի քանի առօրյա առաջադրանքների և պարտականությունների ցանկ, որոնց կարող եք հանդիպել՝ որպես սկսնակ մասնագետ։ 

Անվերջ ուսուցում

Այս ոլորտի մասնագետները ողջ կյանքի ընթացքում սովորում են: Քանի որ ոլորտը մշտապես զարգանում է, կարևոր է մնալ արդիական վերջին միտումների և տեխնոլոգիաների հանդեպ:

Դա անելու լավագույն միջոցը հոդվածներ կարդալն է, վեբինարներին և կոնֆերանսներին մասնակցելը, առցանց ուսուցման հարթակներ մուտք գործելը, ինչպիսիք են Linkedin Learning-ը, մասնակցել դասընթացներին և մարքեթինգի այլ փորձագետների հետ կապ հաստատելը: 

Երբեմն հնարավոր է, որ ստիպված լինեք սովորել ինքնուրույն ու չստանալ օգնություն որևէ մեկից՝ կախված ընկերության չափից, գործունեության ոլորտից կամ թիմից։ 

Գործընթացներ

Որպես սկսնակ մասնագետ՝ ձեզանից կակնկալվի, որ կպահպանեք ստանդարտ գործառնական ընթացակարգերը՝ ինչպիսիք են էջերի ստեղծումն ու օպտիմալացումը, ռազմավարությունները կամ արշավների իրականացումը:

Սկսնակ մակարդակի մարքեթինգային որոշ աշխատատեղեր կարող են պահանջել, որ դուք կատարեք որոշակի առաջադրանքներ առանց մեծ վերահսկողության:

Այսպիսով, դուք պետք է ունենաք հրահանգներին հետևելու և ժամանակը կառավարելու ունակություն:

Շատ հետազոտություններ և տվյալների մուտքագրում

Հիմնական խնդիրներից մեկը, որին կհանդիպեք, տվյալների մուտքագրումն ու հետազոտությունն է:

Հնարավոր է, որ անհրաժեշտ լինի տվյալներ հավաքել տարբեր աղբյուրներից և մուտքագրել դրանք մարքեթինգային ծրագրակազմում կամ Excel աղյուսակներում:

Այս տվյալները կարող են օգտագործվել հաշվետվություններ ստեղծելու կամ մարքեթինգային որոշումներ կայացնելու համար:

Տվյալների գիտության հմտությունները, ներառյալ տվյալների վերլուծությունը, արժեքավոր են սկսնակ մասնագետի համար:

Կանոնավոր թիմային աշխատանք

Որպես սկսնակ թվային մարքեթինգի մասնագետ, դուք սերտորեն կաշխատեք թիմի մյուս անդամների հետ և կունենաք առաջադրանքներ, որոնք պահանջում են թիմային աշխատանք:

Սա կարող է ներառել ստեղծագործական նախագծերում դիզայներների հետ համագործակցելը, գրողների հետ աշխատելը գովազդի ազդեցիկ տեքստ ստեղծելու համար կամ մտահղացում մարքեթինգի խորհրդատուների և մարքեթինգի այլ փորձագետների հետ: 

Ինքնավարություն ժամանակի ընթացքում

Երբ դուք ավելի շատ փորձ ձեռք բերեք և ավելի լավ ծանոթանաք թվային մարքեթինգի ոլորտին, կարող եք ակնկալել, որ ավելի մեծ ինքնավարություն կունենաք ձեր կատարած առաջադրանքների և այն նախագծերի նկատմամբ, որոնց վրա աշխատում եք:

Ժամանակի ընթացքում ինքնավարություն ձեռք բերելը մասնագիտական աճի էական կողմն է, քանի որ այն թույլ է տալիս տնօրինել կարիերայի ուղին և զարգացնել հմտությունները ձեր հետաքրքրություններին համապատասխանող ձևով:
Դե ինչ՝ այսօր խոսեցինք մարքեթինգի ոլորտում առաջին քայլերը ճիշտ անելու մասին։
Վստահ ենք, որ այս քայլերը կօգնեն քեզ լինել ավելի ինքնավստահ ու հասնել ցանկալի արդյունքի։

Հիշիր, որ չկա ոլորտ, որտեղ հեշտ է անել առաջին քայլերն ու մշտապես հաջողել՝ առանց ձախողելու։

Պետք է անընդհատ աշխատել, ձախողել, հաղթանակել ու մշտապես մնալ ժամանակին համընթաց։